PXOM Nigrán

A Directrices de ordenación territorial marcarán "o limiar" da expansión urbana
O PAIS . PABLO LÓPEZ - Santiago - 15/01/2007

A Xunta está decidida a acabar coas previsións de crecementos demográficosdesmesurados que aparecen en moitos plans xerais que lle presentan os concellos. Para poñerlles coto, a Consellería de Política Territorial establecerá criterios obxectivos que permitan limitar os desenvolvementos que considere injustificados. A ferramenta que empregará para iso serán as Directrices de ordenación territorial, un documento que se atopa en fase de redacción e cuxo avance presentará o departamento que dirixe María José Caride antes de que finalice o ano.

A Dirección Xeral de Urbanismo introducirá nas Directrices de ordenación do territorio criterios para limitar o crecemento demográfico previsto polos concellos, de forma que se poña fin á clasificación indiscriminada de chan urbanizable. A decisión é consecuencia da abundancia de plans xerais expansionistas que se presentan ante a Xunta, que agora carece de ferramentas para recortar a urbanización dos núcleos rurales.
O das Directrices é un documento que Galicia está legalmente obrigada a dotarse desde 1995, que incluirá unha proposta de acción territorial integral, con criterios de equilibrio e calidade ecolóxica e aprovechamiento das potencialidades. A xuízo de Política Territorial, é o marco adecuado para "fixar os principios para o dimensionamiento dos crecementos urbanos", en palabras do director xeral de Urbanismo, Ramón Lueje.
De acordo co proxecto da consellería, os concellos terán que xustificar no seu documento estratéxico os motivos do seu crecemento, que despois serán revisados pola Consellería de Política Territorial de acordo cos criterios que estableza nos seus directrices. "Rexeitaremos aqueles crecementos que consideremos desmesurados", adianta o director xeral de Urbanismo. As previsións de crecemento demográfico plásmanse nos plans xerais na catalogación como chan urbanizable de numerosos terreos rústicos, que se converten en áreas de expansión.

chúzame